බටහිර සහ අපේ ජ්යොතිෂ්යය අතර ලොකුම වෙනස මොකක්ද?
ඔබ කවදාහරි අන්තර්ජාලයෙන් හරි, ඉංග්රීසි පත්තරේකින් හරි ඔබේ “Zodiac Sign” එක මොකක්ද කියලා කියවලා තියෙනවද? එහෙම බලපු අයට එක ප්රශ්නයක් තියෙනවා. ඉංග්රීසි පත්තරේ හැටියට ඔබේ ලග්නය “මේෂ” (Aries) වෙලා, ලංකාවේ පාරම්පරික ජ්යොතිෂ්යවේදියෙක් ගාවට ගියාම එයා කියනවා ඔබේ ලග්නය “මීන” කියලා. ඉතින් ලග්න දෙකක් එන්නේ කොහොමද? කවුද මේකෙන් හරියටම හරි?
මේක කිසිසේත්ම එක පැත්තක වරදක් නෙවෙයි. මේකට හේතුව බටහිර ජාතිකයින් සහ අපේ ආසියාතික පැරැන්නන් අහස දිහා බලපු, ග්රහයින් මැනපු ක්රම දෙකේ (Calculation Systems) තියෙන වෙනසයි. සරලව කිව්වොත් බටහිර අය බලන්නේ “සායන” (Tropical) ක්රමය. අපි, ඒ කියන්නේ ලංකාව, ඉන්දියාව වගේ රටවල් බලන්නේ “නිරයන” (Sidereal) ක්රමය. අද අපි මේ ක්රම දෙකේ තියෙන වෙනස මැජික් එකක් නැතුව, හරිම සරල විදියට තේරුම් ගනිමු.
බටහිර අය බලන “සායන ක්රමය” (Tropical Astrology) කියන්නේ මොකක්ද?
බටහිර ජ්යොතිෂ්යය මුලින්ම පටන් ගත්තේ අවුරුද්දේ තියෙන ඍතු (Seasons) අනුව අහස මැනීමෙන්. ඒ කියන්නේ වසන්ත කාලය (Spring), ග්රීෂ්ම කාලය (Summer), වගේ කාලගුණික වෙනස්වීම් පදනම් කරගෙන තමයි ඒ අය රාශි චක්රය හදාගෙන තියෙන්නේ.
සායන ක්රමයේදී ඒ අය හැම අවුරුද්දකම මාර්තු මාසයේ එන “වසන්ත විෂුවය” (Spring Equinox) කියන දවස – ඒ කියන්නේ දවාලයි රෑයි එක සමාන වෙන දවස අරගෙන, එතැන් පටන් මේෂ රාශිය පටන් ගන්නවා කියලා සම්මතයක් විදිහට සලකනවා. එහෙම එක සම්මත ලක්ෂ්යයකින් (Fixed starting point based on seasons) පටන් අරගෙන අහස කොටස් 12 කට බෙදන එකට තමයි බටහිර අය Tropical zodiac කියලා කියන්නේ.
හිතන්න ඔබ පන්තියක ලමයින්ව වයස අනුව පේළියට හිටෝනවා කියලා. බටහිර ක්රමය හරියට ඒ වගේම එක සමාන නීතියකට අනුව (මාර්තු 21 ඉතර ඉඳන් හැමදාම මේෂ පටන් ගන්නවා වගේ) හැමෝම එකම රාමුවකට දානවා. තරු රටා ඇත්තටම අහසේ කොතනද තියෙන්නේ කියන එකට වඩා, මේ ඍතු වෙනස් වීම සහ දින දර්ශනය (Calendar) තමයි ඒ ගොල්ලන්ට වැදගත් වෙන්නේ. ඒක නිසා තමයි පත්තර වල Date of Birth එකෙන් විතරක් (March 21 – April 19) ඔබේ ලග්නය කියන්නේ.
අපේ පාරම්පරික ජ්යොතිෂ්යයේ “නිරයන ක්රමය” (Sidereal Astrology)
දැන් අපි බලමු අපේ පැරැන්නන් මොකක්ද කළේ කියලා. ආසියාතික පාරම්පරික ජ්යොතිෂ්යයේදී (Vedic/Sidereal system) දින දර්ශනයට හරි ඍතු වලට හරි අහස යටත් කරන්නේ නැහැ. ඔවුහු කළේ ඇත්තටම අහස දිහා බලලා, මේ මොහොතේ අහසේ තියෙන ඇත්තම තරු රටාවක් (Constellation) නිවැරදිව සැලකිල්ලට ගත් එකයි.
ඇත්තටම පෘථිවිය තමන්ගේ අක්ෂයේ වටේ කැරකෙන ගමන්, ඒ අක්ෂයත් පොඩ්ඩක් (Top එකක් කරකැවෙනවා වගේ) කාලයත් එක්ක වැනෙනවා වගේ වෙනස් වෙනවා (මේකට විද්යාවේ කියන්නේ Precession of the equinoxes කියලා). මේ නිසා අවුරුදු 2000ක් තිස්සේ ඉඳන් අද වෙනකොට බටහිර අය සම්මතයක් කියලා හිතාගෙන ඉන්න තැනින්, ඇත්තම අහසේ තරු රටාව අංශක 24ක් විතර වෙනස් (පස්සට ගිහින්) වෙලා තියෙන්නේ.
ඉතින් අපේ ලංකාවේ අය සහ ඉන්දියානුවන් භාවිතා කරන නිරයන ක්රමයෙන් කරන්නේ, මේ අංශක 24 කේ වෙනස (මේක අයනාංශය – Ayanamsa කියලා හඳුන්වනවා) අඩු කරලා, අද දවසේ අහසේ ජීවමානවම තියෙන ඇත්තම ග්රහ පිහිටීම ගණනය කිරීමයි. පාරම්පරික ග්රහ ගණිත ක්රම පාවිච්චි කරලා ගණනය කරද්දී, 100% ක් නිවැරදිව ඔබ උපන් මොහොතේ අහසේ තරු සහ ග්රහයින් හිටිය තැන ඡායාරූපගත (Snapshot) කිරීමක් නිරයන ක්රමයෙන් තමයි සිද්ධ වෙන්නේ.
ඔබේ උපන් වෙලාව නිවැරදිව ලබා දී, දියුණුතම පාරම්පරික ජ්යොතිෂ්ය ගණිත ක්රම වේදයන්ගෙන් යුත් අපේ නිරයන ක්රමයේ මෘදුකාංගයෙන් ඔබේ කේන්දරය දැන්ම නොමිලේ බලාගන්න.
කෝකද වඩාත් නිවැරදි?
මේක හුදෙක්ම කෝණ දෙකකින් ලෝකය දිහා බලනවා වගේ දෙයක්. බටහිර ක්රමය බොහෝවිට මනෝවිද්යාත්මකව පුද්ගලයෙකුගේ චරිත ලක්ෂණ ගැන කියන්න (Personality traits) ගොඩක් දුරට යොදා ගන්නවා.
නමුත්, ඔබේ අනාගතය, රැකියාව ලැබෙන කාල වකවානු, දසා කාල හරියටම ගණනය කරන්න, ඒරාෂ්ටක එනවා දැයි හරියටම නිශ්චය කරන්න (Predictive Astrology) අපේ ආසියාතික නිරයන ජ්යොතිෂ්යය ලෝකයේ අදටත් ඉදිරියෙන්ම ඉන්නවා. ඒකට හේතුව මම කලින් කිව්වා වගේ අපේ පැරැන්නන් භෞතිකව අහසේ තියෙන ඇත්තම පිහිටීම සැලකිල්ලට ගන්නා නිසයි.
නිගමනය
ඊළඟ පාර ඔබ ඉංග්රීසි පත්තරේක Zodiac Sign එකක් දැක්කොත් ඒ ගැන කලබල වෙන්න එපා. අහසේ ඇත්තටම ග්රහයින් හිටපු තැන හරියටම දැනගන්න නම් ඔබට අපගේ පාරම්පරික ග්රහ ගණිත ක්රම වලින්ම ඔබේ කේන්දරය සදාගැනීමට අවශ්ය වෙනවා. බටහිර ලෝකයත් අද වන විට විශේෂ අනාවැකි කීම සඳහා අපේ ක්රමවේදය (Vedic Astrology) කොපමණ සාර්ථකද කියා තේරුම් ගෙන ඒ පිටුපසින් පැමිණෙමින් තිබීම අපට ආඩම්බරයක්.
අපි ඊළඟ ලිපියෙන් අර කලින් කිව්ව කේන්දරය වෙනස් කරන “අයනාංශය” එහෙමත් නැතිනම් “Ayanamsa” කියන්නේ මොකක්ද කියන එකත්, ඒකෙන් ඔබේ කේන්දරයට සහ අපල ගැන කියන අනාවැකි වලට මොකද වෙන්නේ කියන එක ගැනත් සරල උදාහරණයක් එක්ක කතා කරමු.