නවාංශක කේන්දරය (D9 Navamsha) යනු කුමක්ද?
ප්රධාන රාශි චක්රය හෙවත් උපන් කේන්දරයේ (D1 Rasi Chart) ඇති සෑම රාශියක්ම කොටස් 9 කට බෙදා ගණනය කරන සූක්ෂම කේන්දරය නවාංශක කේන්දරය (D9) ලෙස හැඳින්වේ. ඡ්යොතිෂයේදී මෙය ඉතා බලවත් කේන්දරයක් ලෙස සලකනු ලබයි.
නවාංශකයෙන් පරීක්ෂා කරන්නේ මොනවාද?
- විවාහ ජීවිතය: ප්රධාන කේන්දරයටත් වඩා විවාහයේ ස්වභාවය, සහකරුගේ/සහකාරියගේ ගතිගුණ සහ විවාහයේ සාර්ථකත්වය සියයට සියයක් නිවැරදිව පරීක්ෂා කරන්නේ D9 කේන්දරයෙනි.
- ආත්මීය අරමුණ: ඔබ මෙම භවයට පැමිණියේ කුමන කර්මයක් ඉටු කිරීමටද යන්න මින් පෙන්වයි.
- ග්රහයින්ගේ සැබෑ බලය: ප්රධාන කේන්දරයේ උච්ච වී බලවත්ව සිටින ග්රහයෙකු නවාංශකයේ නීච වී ඇත්නම්, එම ග්රහයාගේ සුභ ඵල ඔබට නොලැබී යයි. ග්රහයෙකුගේ සැබෑ බලය පෙන්වන්නේ නවාංශකයෙනි.
- ජීවිතයේ දෙවන භාගය: වයස අවුරුදු 30 න් පසුව කෙනෙකුගේ ජීවිතය හැඩගැසෙන ආකාරය නවාංශකයෙන් මැනවින් පිළිඹිබු වේ.
වර්ගෝත්තම ග්රහයින් (Vargottama Planets)
යම් ග්රහයෙකු ප්රධාන රාශි කේන්දරයේ (D1) සිටින රාශියේම, නවාංශක කේන්දරයේද (D9) පිහිටා ඇත්නම් එම ග්රහයා "වර්ගෝත්තම" (Vargottama) බලයෙන් යුක්ත බව කියැවේ. එවැනි ග්රහයින් ඉතා ප්රබල සුභ ඵල දෙන අතර ඔවුන්ගේ දශා කාල වලදී ජීවිතය විශාල දියුණුවකට පත් කරයි.